اختبار مستشفى الحرس الوطني للغة الأنجليزية…التفاصيل من طقطق لسلام عليكم

في يوم شديد البرودة، ارتديت ملابس ثقيلة جدا، وفوقها عبائتي القديمة التي بدأت تتمزق من اسفل ومع هذا اغسلها يوميا لتكون شديدة السواد واللمعه في المقابلات الشخصية

التي كنت اجريها في الأسابيع الماضية، اخذت حقيبتي ووضعت الأوراق المطلوبة لأختبار مستشفى الحرس الوطني لقياس مستوى اللغة الانجليزية، مع العلم أني خريجة لغات ومن المفترض

!!!أن لا يتم اختبارنا، فلم ندرس لسنوات ليختبرونا في مستشفى تلو الآخر وكأنهم لم يثقوا بدراستنا

قبل أن اتكلم عن الاختبار بشكل مفصل، أحب أن اتكلم قليلا، عن فتاة رائعة في منتدى الاقلاع اسمها (جوي) هي من كتبت موضوعا شديد التفصيل عن الحرس وكيفية التقديم به والاجراءات والمدة والأرقام وكل ماقد يحتاجه المترددون، اعتقد أن على اي شخص يقرأ هذا الرد ويفكر جديا بالعمل في مستشفى الحرس، أن يدخل الموضوع، فسيستفيد كثيرا منه

http://www.vb.eqla3.com/showthread.php?t=979805

بعد أن قدمت على موقع مستشفى الحرس واكملت جميع بياناتي وحفظت الرقم المرجعي أو رقم المتقدم وهو رقم شديد الأهمية وفيه ستسأل عن طلب توظيفك وستحتاجه كثيرا، وصلتني رسالة بعدها بأسبوع تطلب مني الحضور لمكتب التوظيف المحلي عند بوابة رقم 2 لتسليم أوراقي وتحديد موعد اختبار اللغة

في الحقيقة لم اذهب لهم مباشرة، لأني كنت مشغولة وسافرت ثم عدت ولم يكن لدي الوقت الكافي لهذا، وبعد مرور شهرين على الرسالة، قمت بتجهيز السيرة الذاتية وصورة طبق الأصل من شهادتي ودوراتي ثم ذهبت لهم وحددت موعدا لاختبار اللغة

وجدت بعض الفتيات اللواتي يختبرن اختبار اللغة القصير المكون من عشر اسئلة، أما أنا ولأني خريجة لغات فحددوا لي موعد الاختبار ذو المائة سؤال مباشرة

معلومة:إذا كنتِ قد اختبرت التوفل أو الآيلتس فيكفي احضار نتيجتك ليتم تحويلك للمقابله المبدئية مباشرة**

نعود إلى ذلك اليوم البارد وهو يوم اختباري هناك، وصلت مبكرة قبل وصول الموظفات  حتى!! فأنا من النوع العجول والمندفع، واخشى من التأخير بجنون، كما أني اكره من يتأخر ولا

افهم ثقافة التأخير المتداولة لدى العرب بشكل عام…تجولت في مستشفى الحرس قليلا برفقة والدي وأخي وذهبنا إلى أحد المقاهي وتناولنا القهوة ثم عدنا إلى مكتب التوظيف المحلي ودخلت

قبل وصول الموظفات في حوالي الساعة الثامنة وعشر دقائق وجلست انتظرهن ثم جائت فتاة أخرى ستختبر وتلتها فتاة ثالثة وحتى تجمعنا وكان عددنا ستة، طلبت الموظفة بعد جلوسها

خلف الحاسوب صورنا وبدأت بإعطائنا اوراق فيها اسمائنا وصورنا وارقام المتقدمين ثم طلبت منا الذهاب معها إلى قاعة الاختبار

وبدأنا بالمشي خلفها من مكان لآخر حتى وصلنا قاعة الاختبار لننتظر أمامها مدة ربع ساعة ثم تأتي موظفة أخرى وتفتحها وندخل جميعا، وزعتنا الموظفة في أماكن بعيد عن بعض، ثم بدأت تشرح لنا كل شيء بالتفصيل وكانت جدا متعاونة ومرحة في ذات الوقت

الاختبار عبارة عن 100 سؤال على الحاسوب، وكله فقرات أختيارية، لن تكتبي ولا كلمة، سوى اسمك وشهادتك الجامعية ورقمك الوظيفي ورقم الهوية قبل بدء الأختبار

يبدأ الاختبار بفقرة الاستماع وهي تقريبا 25 فقرة، ولم تكن معقدة أبدا، بعضها يكون اسئلة، وبعضها تكون جملة قصيرة لها دلالة ضمنية وعليك تخمينها

ثم تأتي فقرة القواعد وهي 35 فقرة، لم تكن القواعد المعقدة أبدا، كلها كانت أزمنة بسيطة أو مستمرة، وتنوعت صعوبتها وإن كانت تميل بشكل عام إلى السهولة

ثم فقرة المفردات، والتي سمعت عنها العجب العجاب حتى كنت شبه متأكدة من أني لن استطيع تخمين أي كلمة، بل أن فتاة أخبرتني أن مستوى هذه الفقرة يعادل صعوبة

اختبارات التوفل…وفي الحقيقة لم يكن الأمر كذلك…ربما لأنني طالبة لغات ولأنني اقرأ باستمرار…لكن بالمجمل كانت كلمات مستخدمة باستمرار ما عدا خمس كلمات تقريبا

ثم تأتي الفقرة النهائية وهي فقرة القراءة وتقارب العشرون فقرة، كانت القطع عن السمك والقهوة والصداع وتنظيم الوقت

تكلمت القطعة الأولى عن السمك وهل يحتاج لشرب الماء مثل البشر أم لا؟ الاسئلة كانت واضحة و موجودة في القطعة

القطعة الثانية كانت عن القهوة العربية وأين تنبت وكيف تقدم للضيوف وهل هناك طقوس معينه خاصة بها؟ أيضا لم تكن صعبة، وكل كلماتها مفهومة

القطعة الثالثة ربما تعد الأكثر صعوبة فكانت تتكلم عن الصداع وأنواعه واسبابه ومن ضمنه صداع الشقيقة وهناك عدة مصطلحات طبية في هذه القطعة

القطعة الرابعه كانت عن الاستراتيجات التي يمكن اتباعها لتنظيم الوقت في العمل المكتبي، والاسئلة المطروحة كل اجوبتها متواجدة بوضوح في القطعة

أنهيت الاختبار الاسطوري…والحمدالله ومشاء الله حصلت على درجة رائعة…أنا فخورة بها كثيرا

بالنسبة للمتقدمين الذين يخشون من صعوبة الاختبار انصحهم بالمذاكرة من هذا الكتاب

Fundamentals of English Grammar  لبيتي آزار

أو هذا الكتاب Understanding and Using English Grammar

وبإمكانهم أيضا الاستماع ثم الاستماع ثم الاستماع إلى العديد من البرامج الأمريكية والأخبار قدر المستطاع وبفترة كافية قبل الاختبار

لأن فقرة الاستماع سهلة ومن الخسارة أن تضيع بعض الدرجات بها

وأخيرا…أود تذكيركم أن درجة النجاح لخريجي الجامعات هي 65

ودرجة نجاح خريجي الثانوية هي 45

ووووو…دعواتكم أن افرح بحصولي على الوظيفة في أقرب وقت…ومن لديه أي استفسارت باستطاعته التعليق وسأرد عليه

Advertisements

109 thoughts on “اختبار مستشفى الحرس الوطني للغة الأنجليزية…التفاصيل من طقطق لسلام عليكم

    • يا قلبي الأختبار كان من فترة طويلة، للأسف نهائيا ما أتذكر وش الأجوبة، بس اللي اتذكره إنها كانت مباشرة بدون لف ودوران، وما كانت صعبة مثل ما أسمع عنها أبدا، بس ابحثي عن القطع نفسها لأنها تتكرر كثييييييير بأختباراتهم

  1. أسعد الله مسائك بنروق الجمال في خضم تغريد الورود بعبير أنفاسها الرقيقة
    أيتها السيدة الجميلة أحببتُ أن أسالك فهل أشفي نفسي بأجابة جميلة منك
    وش أفضل كتاب للمفردات يخليني أتغلب على أختبارهم في المفردات

  2. انا اجتزت الاختبار و سوليه مقابله مبدئية وما دقو عيه نهائي واتصل فيهم يقولو احتمال الجنه مارشحوك ما احد اعطاني جواب لا بالقبول والا بالرفض ما ادري ايش اسوي الي عنده فكره يقولي

    • عاودي الاتصال بهم أو حتى تحديث بياناتك بالذهاب إلى مكتبهم، عدد الوظائف المطروحة كثيرة والكثير في الفترة الأخيرة تم توظيفهم بدون واسطات، لا أنكر وجودها وقوتها ولكن هناك الكثير ممن توظف دونها…وأنا أحدهم!

  3. أنا لدي تجربة سخيفة مع مكتب المحلي الوظيفي للحرس الوطني، الرياض، وهي أنني أجريت امتحان اللغة الانجليزي واجتزت الامتحان بدرجة عالية ٩٣/١٠٠ في عام ٢٠٠٩وأجريت المقابلة الأولية وتم ترشيحي للوظيفة “….”ووعدوني بالاتصال بي بعد فترة الحج (٢٠١٠) للمقابلة الثانية. وإلى يومنا هذا لم يردني اي اتصال منهم. وهذا يثبت بالدليل القاطع على وجود الواسطات والمحاباة والإيثار في عملية الاختيار والترشيح. ويجدر الإشارة أن ما خضته من تجربة يعتبر “بريستيج” للمستشفى كأنهم يقولون “نعم نحن فتحنا الأبواب للرأس البشري السعودي”. وأنا أقول لكم لقد أضعتم وقتي…وحسبي الله ونعم الوكيل على لجنة الإفك…

    كان الإجدر بكم تقديم الاعتذار لعدم استكمال الإجراءات ولكن التحضر والتصرف المدني يجب أن يغرس بالقوانين وبروتوكولات

    الدروس المستفادة:
    حصولك على درجة عالية في الامتحان أو معدل عال في الجامعة أو كاريزما آخاذة في المقابلات الشخصية ليست تذكرة للعمل في المنشئات السعودية بل يحكمها عالم الواسطات، وهذا عالم ليس له كبير إلا الله عز وجل …

    • تجربتك شبيهة بتجربة صديقتي التي حصلت على درجة مرتفعة في الامتحان واجتازت المقابلات الشخصية ولم تترشح لأي وظيفة…لكن لمَ اليأس؟؟ عاود الاتصال بهم من وقت لآخر مع تحديث بياناتك وتذكر أن الله مع الصابرين…ها أنا مكثت سنتين بالبيت دون أن يأتيني اتصالا واحد!! بالرغم من شهاداتي ولغتي!! ولكن والحمدالله عوض الله صبري بعد انتظار 🙂

  4. الحمدلله على كل حال انا عندي ماجستير تقنية النانو من جامعة شيفيلد الي ترتيبها 70 على العالم واكيد اللغة ممتازه لا وكمان أطقطق شوي أسباني وقدمت على كل شي ولا احد دق عليا او طالع في وجهي لا بواسطة ولا بدون واسطة

    • عزيزي أو عزيزتي…لا تفقدون الأمـــــــــل…واسعوا قد ما تقدرون، بالأخير راح تلاقون الشيء اللي تبونه، إذا وصل اليأس قلوبكم راح تتدمرون….خل عندك الثقة بنفسك ، وإذا موافق قلهم إنك تقبل بوظيفة أقل من مؤهلاتك كبداية

    • أنا تقريبا مثلك تخرجت من امريكا ماجستير صحة عامة بإمتياز ماشاء الله و طبعا أطقطق انقلش و كمان عندي دورات كتيرة و عضوية في منظمة للتثقيف الصحي و قد\مت في اماكن كثيرة قطاع خاص وعام و للأسف للان ما توظفت

      • طيب الآن كيف وضعك؟؟ لقيتي الوظيفة أو لا؟ بالمناسبة مدينة الأمير سلطان العسكرية ارسلوا لي على الايميل انو حدثوا رابط التوظيف عندهم وحابين اني اسجل من جديد بقاعدة البيانات حقتهم…بامكانك تدخلين على موقعهم وتحطين معلوماتك..لا تيأسين اطلاقا..

  5. الله المستعان انا مقدمة وان شالله الاختبار قريب بس نفسي في اسئله يا رب

  6. أنا خريجة حقوق و٣١ مارس اختبار الانجليزي ولغتي الانجليزية ليست بجيدة لكن عديت الاختبار الأول خايفه من الاختبار ١٠٠ + المقابلة ماني عارفه بتكون عربي او انجلش خصوصاً إن وظيفتي أعتقد بتكون إدارية

      • ماشاءالله حبيبتي الله يوفقك انا تخصص انجليزي بس لي ٣سنوات متخرجة وش تنصحيني تو قدمت عن طريق النت وأبي استعد وعندي كتاب القرامر الأزرق اكتفي به ،وايش المصطلحات الطبية اللي جابوها من وين ارجع لها،!

  7. مشكورة على هالبوست كثير فادني..
    اختبرت الإختبار امس وجبت ٩٥
    بس حبيت اسأل بما أني مقدمة عالجامعة ومو عالمستشفى، كيف طبيعة العمل فيها؟ اختلاط او لا؟
    انا ما أمانع لكن أهلي مايشاركوني الرأي 😀
    وجزاك الله خير

    • الجامعه حسب ما سمعت من زميلاتي إنو الاختلاط اقل فيها بكثيـــــــر من المستشفى يعني اغلب الناس راح يرتاحون بالشغل فيها أكثر

  8. الاختبار ما يحتاج مذاكرة لانه يعتمد على معلوماتك التي تم ترسيخها في عقلك من البداية وبصراحة اول سبعين سؤال بسيطة ومفهومة بديهيا وبعدها تبدا الأسالة التي تحتاج لتركيز على الأقل 10 دقائق لمن ليست لديه خلفية ممتازة عن اللغة والحمدلله وماشاء الله ولا حول ولا قوة إلا بالله انا خريج ثانوية عامة ولكن كنت اتفرج أفلام وأستمع للأغاني الإنجليزية والمسلسلات الإنجليزية منذ الصغر ودرجتي في الإختبار الدرجة المطلوبة لخريجي البكالوريوس وبإذن الله الوظيفة في طريقها ونصيحتي لكم فقط راجعوا الأساسيات فقط لا غير ولا تعقدوا انفسكم وتتوتروا وادعولي شكرا لوقتكم

    • فعلا أتفق معك، بالإضافة إلى أنو الاختبار مكرر والاسئلة مو قاعدة تتغير، رجعت واختبرت مرة ثانية عشان الترقية، وكان ديزاين الاسئلة مقاااارب للاسئلة قبل اربع سنين!

  9. عفوا هل معلومة ان النجاح للثانوية العامة من 45 درجة معلومة موثوقة ؟ شكرا لوقتكم

    • مرحبا اخوي سامي… بالنسبة لي اعتقد أكثر من كافيه لأن الكتابين تغطي اشياء كثير، وبالنسبة للريدينغ يعتمد على المفردات اللي تعرفها أنت، والاستماع جدا سهل يعتمد على فهمك للسؤال أكثر من فهمك للمفردات الصعبة
      بشر… ان شاء الله تجاوزته؟

  10. على كذا انا فقدت الامل ..انا ثانوي وحددت موعد الاختبار وجبت اول اختبار ١٤ وقالو لي النجاح من ١٥ واختبرت مره ثانيه وجبت ٣٤ ..وقالو انتظر نتصل عليك ..وغير كذا الاختبار كان ١٠٠سؤال ..وصعب مره اختبار ناس معهم لغه مو ثانوي😩😩💔

    • عزيزي سلطان ما أعرف اذا يمديك تقرى ردي أو لا، حاول تتدرب على الاختبارات الانجليزي اللي بالمواقع وكثف استمااااع، لو تبحث بتلاقي كثير مواقع مخصصة، الاختبار معقول بس يبيلك شوية تدريب وبتعدي ان شاء الله

  11. السلام عليكم يا جماعه
    ابغى اغرف الاسئله لاختبار المبدئي للحرس الوطني
    كيف بتكون
    قرامرز ؟
    ولا كيف
    اللي يعرف يعلمني وجزاه الله خير

    • ايوه قرامر بسييط جدا، هم بيشوفون كيف مستواك مبدئيا لأن فيه ناس ميح فعلشان ما يضيعون وقتهم ويرسلون للاختبار الطويل، يختبرونهم هالاختبار البسيط

  12. كلامك جدا مريح .. لدي اختبار١٠٠ سوال في ٢٨ من ديسمبر من هذه السنه و باذن الله لدي الثقه التامه باجتيازه ..
    مبارك لك ع الوظيفه ،، لدي فضول :$ هل توظفتي في الحرس ؟؟

    • بشري ان شاء الله نجحتي؟ أنا واثقة أنك نجحتي… ان شاء الله تصيرين معنا احدى موظفات الحرس الوطني …قلوب من هنا لبيتك

  13. الجميل ان صاحب الموضوع لايزال يرد على المتسائلين منذ اربع سنين
    وملاحظة اخرى : قارئ جيد للروايات ☺

    وفقك الله

  14. الحمد لله اختبرت وعديت الاختبار واجريت مقابلة مبدأية بالانجلش

    تتوقعون متى يتصلون علي للمقابلة النهائية !!

    • حركة التوظيف حاليا تشهد بطء، فلا تفقد الأمل، فيه ناس كلموهم قريب، وفيه ناس من فترة، اهم شيء كلمهم عقب كل فترة وتابع بالرقم اللي اخذته منهم الخاص فيك

  15. !!!يا جماعة انا رحت الحرس و قدمت عطتني الموظفة موعد الاختبار بعد اربع شهور
    هل هم دايم كذا ولا ايش السالفة ؟؟

    • اهلين…هو التوظيف صاير اقل من المعتاد بكثيـــــر وجات فترة لنا موقفينه تماما وموقفين حتى النقل داخل المستشفى، فممكن الان لأنهم رجعوا يوظفون فراح يبدون بالاشخاص اللي ما اختبروهم ومقدمين قبلك وعادة الاختبار يكون كل اثنين فلذلك انتظر وخذها فرصة تقديم في اماكن أخرى

  16. !!!!يا جماعة انا رحت الحرس و قدمت عطتني الموظفة موعد الاختبار بعد اربع شهور
    هل هم دايم كذا ولا ايش السالفة ؟؟

  17. !!!!يا جماعة انا رحت الحرس و قدمت, عطتني الموظفة موعد اختبار الانجليزي بعد اربع شهور
    هل هم دايم كذا ولا ايش السالفة ؟؟

  18. مرحباً اختي انا تخصص خدمة اجتماعية واللغة عندي جداً بسيطه هل في اختلاف في الاختبار حسب التخصص ، او فيه مراعاة للتخصصات غير الطبية من حيث اللغة ، وهل المقابلة بالانجليزي ام العربي وشكراً لك مقدماً

    • اهلين جميلة.. على حد علمي كلنا ندخل نفس الاختبار على اختلاف تخصصاتنا الاختلاف يكون بدرجة القبول وع حسب شهادتك يعني الثانوي لهم درجة والدبلوم درجة والجامعه درجة وهكذا…طبعا لو كان معك توفل او ايلتس ما تحتاجين تدخلين الاختبار..والمقابلة المبدئية تكون انجليزي وهي بسيطة وتكون اسئلة روتينية زي تكلمي عن نفسك وعن وين تشوفين نفسك بعد خمس سنين توافقين تشتغلين ببيئة مختلطة ومكتب مفتوح…الخ بس المقابلة اللي عقبها غالبا تكون ما بين العربي والانجليزي..موفقة عزيزتي

      • الله يحميكي ويسعدك وين ماكنتي ، ممكن اعرف درجة الايلتس المطلوبه؟

      • هلا يا قلبي واسفه على الرد المتأخر، ما عندي فكرة للاسف عن الدرجة المطلوبة بس ممكن 5 وما فوق

    • المقابلات غالبا بالعربي مع مدراء الاقسام طبعا السعوديين ، مع ان اقسام المستشفى يحبون المقابلة انجليزي، قسم الخدمة الاجتماعية ما اتوقع يهتمون باللغة كثير لأنك غالبا راح تتواصلين مع المرضى واهاليهم اللي هم سعوديين او من اخوانا العرب، باستثناء المقابلة المبدئية اللي عادة تكون عقب الاختبار باسبوع…بالنسبة للاختبار ما عندي فكرة اذا فيه اختلاف او لا بس اتوقع التخصصات الصحية والممارسين الصحيين اختبارهم غير عن الاداريين

  19. ياحلوك يختي الله يرزقك ويسعدك على قد ماتحبين الخير لغيرك
    اراقب كلامك وردودك الجميله كل فتره من لما قدمت على الحرس واختبرت واجتزت وسويت ثلاث مقابلات وللحين مااتصلوا علي

    تتوقعين فيه وظايف قريب ومتى تنزل عاده الوظايف اي شهر من السنه
    لاني بديت افقد الامل منهم ومن طبعي مااحب الامتطار 😦

    • شوفي يا قلبي بصراحة الحرس حاليا يعاني من شح بالوظايف لكن هذا ما يعني انك تفقدين الامل! ارجعي وتواصلي معهم مرة ومرتين وثلاث ولو تعرفين احد موظف هناك ممكن يساعدك لو سمع عن وظيفة محتاجين عليها احد

      • انا تخصصي اي تي وقدمت على قسم الاي تي بمستشفى الحرس بالمدينه وسويت مقابله اوليه ومقابله نهائيه وقالوا انهم ارسلوا اوراقي للرياض هذا الكلام قبل اربعه شهور ، وكل مره اكلمهم يقولون للحين مافي اي ابديت من الرياض 😦

        تحسين فيه امل يتصلوا ويقولون تعالي خلاص جات موافقه توظيف ولا كيف ، احتاج كلام يطمني تعبت انتظر

      • مرحبا هالة… إن شاء الله حيتصلون عليك… الوضع هذي الفترة مع الميزانية مو مرة… بس اشوف كل بعد فترة قاعدين يوظفون ناس… تابعي كل شهر وان شاء الله بتتوظفين… كمان جربي تشوفين شركة ويبرو .. سمعت إنها كويسة لخريحين الاي تي ويوظفونك بالأماكن الحكومية عن طريق عقود

    • المقابلة المبدئية تكون عرفي عن نفسك؟ ايش عيوبك وكيف تتفادينها بالعمل؟ ايش النقاط الايجابية بشخصيتك؟ ايش العمل اللي تحبينه؟ عادي عندك الاختلاط؟ عادي عندك دوام الشفتات؟…الخ

  20. كأني اقرأ رواية ماشاءالله ^^”

    طيب أختي ايش صار معاكي؟
    أنا كمان قدمت قبل أسبوع تقريبا و وصلتني رسالة اليوم بموعد الاختبار بعد شهر وشي!! هل يعني اني اتقبلت مبدئيا؟

    • اهلين…تختبرين ودرجة النجاح اعتقد 65 وعقبها مقابلة مبدئية صغيرة جدا من قسم التوظيف، وبعدها تنتظرين اتصالهم وياخذونك للاقسام اللي مرشحة تتوظفين فيها، تابعي باستمرار معهم ولا تفقدين الامل

      • الله يسعدك 🌸
        انا رحت المستشفى بعد ماقدمت عالموقع واختبرتني اختبار مبدئي والاسبوع اللي بعده اختبرت الاختبار الثاني
        اختبرت في شهر ٥ وكانت درجتي ٦٦💔
        و راجعتهم قبل كم يوم وقالتلي قريب ان شاء الله يفتحو التوظيف
        مااجريت مقابلة لا مبدئية ولا شي
        تخصصي ميكروبيولوجي
        انا في المدينة المنورة
        تتوقعي فيه شاغر ؟؟
        ومتى رح يفتحو باب التوظيف ؟؟

      • الله يسعدك انا اختبرت من شهر ٥ ميلادي
        ماعملت مقابلات نهائي تخصصي ميكروبيولوجي
        تتوقعي حيكلموني قريب
        انا في المدينة

      • درجتي ٦٦ اختبرت بعد مارحتلهم بثلاث ايام
        معقولة عشان درجتي في الاختبار مارح يعبروني
        طيب اذا تعرفي احد دخل المقابلة وتخصصه مايكرو ياليت تفيديني

      • لو سمحتي عندي استفسار انا قدمت بالموقع وحطيت الرغبات الاحساء والدمام وارسلو لي موعد الاختبار ومكانه بالدمام هل هذا يعني ان راح يكون التعيين في الدمام ؟؟ ودي أكون بالاحساء

      • اختبرت قبل يومين وعديت الحمدلله
        قالوا لي المقابلة المبدئية بعد العيد مع انه في وحدة عملوها لها بنفس اليوم !! تمنيت لو عملوا لي المقابله وافتكيت
        ودي اعرف فيه هالفترة وظايف مطروحة كثير او محدودة؟ وايش البوزشنز المطروحة ؟؟
        ان شاءالله تتيسر لي هالوظيفة حابتها كثير 😌

      • مرحبا.. والله اللي اعرفه ان التوظيف شبه موقف بس ما اعرف ايش خطط التوظيف المحلي..ممكن قاعدين يحدثون قواعد بيانات المرشحين للوظايف وممكن فيه خطط معينه لاعادة التوظيف بعد فترة… تابعي معاهم ولا تيأسين وذكريهم بمقابلتك المبدئية

  21. السلام عليكم .
    حابه أسألك وأتمنى ألاقي جواب من عندك الله يسعدك يارب .
    هل الحرس يهمهم ان الشخص المتقدم يكون مستواه بالانجليزي expert ولا عادي متفاوت

    الله يوفقك ويسعدك دنيا وآخره

    • يهمهم يكون مستواك وسط وما فوق وكثير توظفوا وانجليزيتهم مأساه وبدون واسطات بعد لأنهم ياخذون بعين الاعتبار نوعية الوظايف المطروحة ونسبة استخدامك للغة فيما بعج

  22. توني عملت الاختبار قبل يومين وعديت الحمدلله
    طلبت منهم يعملولي مقابلة مبدئية بنفس اليوم لأني مستأذنه من عملي وصعبه كل شوي أستأذن بس قالت لي الموظفه انه بعد العيد على خير
    ودي اعرف هالفترة فيه طلب كثير ؟؟ اشوفهم يتوسعون واتوقع فيه احتياج مع هالتوسع بس اللي استغربته انه في وحدة اختبرت وسوت مقابلتها المبدئية بنفس اليوم وانا قالوا لي بعد العيد ☹️ حاملة هم كيف بستأذن مرة ثانيه
    ياربي تتيسر لي الوظيفة بإذن الله هناك 😌

    • إن شاء الله بتتيسر لك هالوظيفة وتنظمين لنا بالحرس.. بصراحة اعرف أنو الوظائف هالفترة موقفه… ما عندي اي فكرة عن خطط التوظيف المحلي او ليش لسه قاعدين يحتبرون الناس ويسوون لهم مقابلات

  23. مرحبا ❤️❤️
    انا اختبرت قبل يومين وعديت وهذا بفضل ربي اولاً واخيراً الحمدلله
    الحين جاء دور المقابله قالوا لي راح تكون بعد العيد وانا انتظر منهم الاشعار بفارغ الصبر 👌🏼 طبعاً بعد الاختبار جاني اس ام اس انو ارسل اوراقي وشهاداتي عالايميل وارسلت كل شي وتوقعت انهم راح يعملولي المقابله بنفس اليوم بما اني شفت وحدة اختبرت بالاختبار اللي قبلي وسولها بس لما رجعت سألتهم قالوا بعد العيد وننتظر و انا متأكدة ان ربي بييير كل صعب ❤️
    السؤال ابي استفسر هالفترة فيه وظايف مطروحة و ايش البوزشنز اللي طالبينها 👍🏻و البنات يشغلونهم في الايتي ؟؟ لأن تخصصي ينفع ادارية و آي تي ☺️ والحمدلله ياربي على كل شي من عنده

    • عزيزتي.. والله هالفترة التوظيف مو لذاك الشيء وحتى داخليا موقفين الترقيات وموقفين كثيييييير اشياء ومن ضمنها النقل بين الادارات الا ضمن ظروف معينه.. لذلك انتي تابعي معاهم كل اسبوعين وان شاء الله يحطونك مكان احد استقال مثلا.. وبالمناسبة ليش ما تشوفين شركة ويبرو؟؟ ترى ممتازة لبنات الاي تي ويوظفون هم بأماكن حكومية كبيرة

  24. حبيبتي يسعد صباحك بكل خير
    هل السكرتارية طبية مقابلتهم باللغة الانجليزية ؟

    • اختي روابي… كيفك؟؟ اسفه ع التأخر بالأجوبة.. ايه نعم المقابلات المبدئية بالانجليزي واللي بعدها مع مدراء الاقسام تكون باللغتين عربي وانجليزي

    • للاسف يا عزيزتي أو عزيزي ما عندي فكرة والله بس جربوا تكلمون ترى التوظيف المحلي دائما يجاوبون على استفساراتكم..موفقين

  25. مرحبا، أتمنى تكوني بخير
    ابغى اسألك عن الاختبار هذا هل يفيدني في سيرتي الذاتية للتقديم على وظائف غير وظائف الحرس؟
    يعني هل هو زي التوفل والايلتس او لا؟
    ويعطيك العافية مقدمًا

    • هلا فاطمة… لا للأسف ما يفيد في اي مكان ثاني واذا عندك توفل او ايلتس ماراح تحتاجين هالاختبار بس تجيبين درجة اختبارك…موفقه يا رب

  26. ها طمونا فيه احد اتوظف ؟
    او ع الاقل اعطوه امل بالتوظيف
    احس الشغله يبي لها واسطه والعلم عند الله

  27. صباح الخير طيب انا عندي سؤال …
    انا تخصصي تاريخ واللغه الانقلش جيدة والحمد الله ..
    السؤال هنا هل لو قدمت ع الحرس يقبلوا يختبروني او عشان تخصصي يرفضوا حتى لو كانت اللغه تمام ؟؟
    ياليت احد يفيدني

    • مساء الهنا ..لا بالعكس حيقبلونك اذا اجتزتي الاختبارين المبدئي والطويل.. مالهم شغل بالتخصص بس غالبا حتكونين بالوظايف الاداريه المساعده مثل مساعد اداري او مدخل بيانات او فنية في ادارة خدمات المرضى يعني المواعيد والاستقبال

  28. السلام عليكم ورحمة الله… عندي مقابلة في الروضة التابعة لمستشفى الحرس بجده
    انا اختبرت الاختبار اللي من ١٠٠ اول ماقدمت ما اختبروني المدئي
    والحمدلله اجتزت الاختبار
    تعرفي كيف بتكون المقابلة بالعربي او الانجليزي وايش ممكن يسألوني

    هما طالبين للوظيفة الانجليزي لفل ١

    • مرحبا عزيزتي… للأسف ما عندي فكرة عن الروضة التابعه للمستشفى.. اذا انتي مطلوبه معلمه هناك ممكن لازم تحضري درس قبل؟ اتمنى لك التوفيق وكان بودي اساعدك

  29. ب اسألك الحين انا مقدم ع دورة ضباط وقالو لي بكره عندك اختبار انجليزي هل هو نفس الا تتكلمون عنه

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s